[美食介紹] 餃子一人一火鍋

日日都得嗰十零度，究竟食啲乜嘢最好？唔駛問，緊係打邊爐啦！
香港人最鍾意用豬骨、雞或者沙嗲做湯底，食嚟食去都係依幾味，唔知你會唔會有少少厭呢？
原來北方人打邊爐係用清水加點京蔥做湯底，咁先食出羊肉及牛肉嘅鮮味，而且唔係點豉油咁簡單，而係點自家特製嘅醮汁，令肉食更加惹味。tvb now,tvbnow,bttvb+ c4 V( N1 g1 n6 y q
北方餃子源嘅銅鑼灣分店就備有「北方」、「麻辣」同「素菜」三種特色火鍋湯底俾客人選擇。
喺依個咁嚴寒嘅冬天，不如嚟銅鑼灣，試試北方餃子源誠意推出嘅「餃子一人一火鍋」，享受最新鮮嘅羊肉同牛肉，嘆埋最正宗嘅北方餃子風味啦。
記住，只有銅鑼灣分店，喺下午六點後，先可以真真正正享受到一個人都可以食到飽飽嘅熱辣辣餃子火鍋架。