胡森贏晒四組閘

02754566

昨朝試閘有個奇景，並唔係有乜乜大馬主探班，而係目前只有21駒嘅胡森，竟然贏晒四組泥閘，「開心旅程」、「威勢之寶」、「幸運新寶」與「高山威龍」先後勝出，真係犀利，只要胡森保持呢個強勁氣勢，新季贏夠15W唔成問題。

值得一提「開心旅程」及「威勢之寶」由雷神出試，相信大家都記得胡森剛季同騎者曾停止合作，事緣雷神兩次騎「威勢之寶」都輸短距離，後來胡森再搵佢騎，慘食檸檬，練者一怒之下，3月21日合作完「索咖啡」之後，就斷絕同雷神合作。有人話感情路上，時間可以沖淡一切，原來喺馬圈都一樣。