[注意] 想係MK金魚街買狗狗既準主人要注意黑店 !!!!

LorisXD

小妹上星期係旺角金魚街某間招牌好大個，仲要以日文名做鋪名既寵物店，買左一隻poodle。我初初以為間鋪既門面咁光鮮，應該信得過啦，因為我第一次買狗。
入到去，好開心咁睇狗狗，然後佢地既職員就開始走埋黎sale你，咁我就想養狗女，然後就同佢地講。
一開始佢地拎左隻$9xxx既poodle出黎俾我睇同我玩，因為我見佢太活潑，我又怕自己照顧唔黎，我就想要一隻乖d靜少少既狗bb，所以就擺左個唔多鍾意既樣出黎。
之後個職員唔知係邊度拎多隻出黎俾我睇，呢隻要$8xxx，我見佢好乖好嗲人，所以就好鍾意佢！
初頭見到狗狗有啲鼻水以為好正常，個職員又見到我好鍾意跟住就不斷sale我，話佢狗狗冇問題，好健康類似既說話，最後我決定左帶佢返屋企。
之後d職員就開始黎料，不斷要你買好多產品，加加埋埋呢d野都要俾$4xxx，我話好貴唔想要，佢地就話呢d野真係唔貴架，有好多你都可以同一世。
出門口要成皮幾野，個刻先知原來個間係黑店！！！

之後狗狗返到屋企，問題就發生啦！狗狗成日打乞痴，有流哂鼻水，係咁吹波波，之後就打返去同佢地講，佢地開頭叫我帶狗狗返去話醫返好佢先俾返我。
然後我話俾佢地聽狗狗肯玩肯食，之後又叫我唔洗帶，就咁落返佢地鋪頭拎藥。
咁我去返個間寵物店，佢地俾左一支唔知咩黎既藥水我，叫我餵狗狗食，話食幾日就ok，因為佢地仲要俾d唔知咩藥餵狗狗，所以我好擔心。
然後返到屋企都係唔敢俾狗狗食，第二日就帶左狗狗去帶獸醫！
去睇獸醫個陣醫生話佢有細菌感染，可能係個狗場有狗瘟又或者俾其他狗傳染，就算醫返好都有可能會影響到佢第時發育。
然後抽左佢少少鼻水去化驗睇下係咩細菌，又要狗狗聞氣，個刻我心真係好痛！
因為佢係bb黎得兩個半月好細個，之後醫生都有叫我去退錢or換個隻，但係我又唔捨得佢。
因為我帶佢返屋企個刻已經決定左佢要跟我一世，所以我決定左俾錢醫佢。
今日report出左，話狗狗有葡萄球菌，而且抗藥性極高，醫到佢個d藥又唔岩佢食，因為佢太細，副作用同後遺症都好勁。
所以狗狗依家每日都要keep住返診所聞氣，希望佢可以將細菌係佢身體入面趕出黎。
依家仲要keep住佢體重唔好俾佢下降，我見到狗狗咁樣，我真係好心痛！

希望大家可以認清呢個寵物店：
1) 佢地會問你係唔係第一次養狗狗，然後就會sale勁多野要你買，樣樣野都話你岩用，一定會用到等等既說話。
2) 佢地聲稱自己間寵物店有終身寄託服務，呢個服務背後形式係點冇人知，大家可以想像下。
3) 佢地亦都話自己間寵物店有獸醫睇，係超級唔可信，一間寵物店點可能有自己既獸醫？
4) 狗狗病左佢地亂咁俾d唔知咩藥狗狗食，真係亂x咁黎！

淨係亂俾藥狗狗食呢一點就知呢間寵物店係好有問題 ! 所以希望各位準主人要小心 !