tshek

高亮唔係咩問題，不過我自己唔會理高亮，我係睇嗰帖前個分類

其實大部份新聞都係　ＣＯＰＹ　番嚟，好多時回帖嗰個見解仲獨到，但出帖有分反而回帖冇分除非版主人手加

我明回帖冇分係防灌水，其實嗰啲Thanks, Thanks for sharing 應該扣分添

如果人手可行咪取消發帖得分，發帖上限２０囉，２０個新聞帖其實係超多

嗰啲ＣＯＰＹ　番嚟嘅新聞，緊要或者發帖者有加自己見解咪加分囉，就咁抄就唔好加喇

會員對新聞或球賽所發表嘅意見就加多啲，鼓勵會員發表自己意見而唔係就咁「我很贊成」「同意」等行貨

「我很贊成」「同意」其實應該扣分

依個版有幾位會員講嘢都好有ＰＯＩＮＴ，應該大力鼓勵

因為一個球迷會最值錢嘅係每位嘅獨特睇法