cunningchu

唔知樓主身處邊個國家.  就算投訴都好睇自己直屬上司 / HR 的權限

我之前份工係香港做野, 個OA 平時已經言語上怶佢佔便宜, 諗住都係叫你靚女, 幾時同我食飯等等無相大雅的野....點知有日同佢講講下野, 佢突然將一張紙(我叫佢出街比人簽收的A4紙)出奇不意兜心口拍落黎話俾番我(當時係夏天, 我著的裙裡面有著TUBE), 佢拍的位置就係頸骨同個胸的位置

我同老細(男)上司講, 佢話會處理...最後不理理之, 跟著成日叫我同HR投訴(佢自己本身唔鐘意個OA, 想靠我把口做野)....最後, 係我辭職時忍唔住同HR 講, 原來佢地根本知個OA有黎個問題(其他同事係我遞左信同我講話試過俾過OA掃背). 呢個OA係公司做左10年, 仍然安然無恙, 所以我諗好睇間公司點處理..

題外話: 有關性騷擾的問題真係好睇間公司點處理....我試過俾過女同事係PENTRY度見到我前面的BRA帶突左出黎, 佢出奇不意將成條BRA帶揪出黎彈, 我嬲到問你有無攪錯, 佢竟然話你突出黎就預左俾人彈...果日我即刻話唔哆服返屋企, 佢先驚打俾我道歉....最詭吊的係我同我男上司投訴, 佢話呢個人成日都巔巔地, 佢無心的, 而MANAGEMENT 亦認為佢的工作能力高, 所以算罷..唔駛上心...

如果真係遇到問題, 同上司/HR投訴過都無用, 就要諗下係咪真係為左份工, 連基本尊嚴都唔可以唔要.