rivaldoliu

毫无疑问，曼彻斯特打比后，曼联将会以5-7分落后给车仔。对于今年回归到433的车仔嚟讲，要再出现上年的大面积伤病+黑仔，几乎係没可能。曼联要卫冕，难度非常大！今日呢长波，理查士表现非常出色，起码瓦解咗曼联4个机会。而曼联自己都浪费咗唔少机会，最黄金的就係tevez的近门头槌。今日曼城几乎没有威胁的攻势，个入波要多谢维迪个petpet，如果唔係射中个petpet，角度唔会咁雕转。曼联落后后的攻势威胁性唔够，中锋问题我唔想再多讲了。今日费sir个换人有D问题，留低咗史高斯and giggs，换走咗卡力克and nani，我觉得有D问题，两个老将或许可以响关键时候帮到曼联，但係连续的征战令到佢地体力出现咗问题，最后几个控球失误几乎令到曼联再失一球。
    艾力臣再次证明咗自己係一个只要你给佢足够多球员，佢就可以交到足够成绩给你的教练。曼城今年比热刺更具有冲击前四的力量。
    曼联今年的问题我都讲过好多次了，我都唔想再重复。今日想讲下今年的曼联同上年的曼联的差别。今年的曼联中场实力又增无减，但係锋线上的实力係明升暗降。tevez的加盟，朗尼+ tevez的组合被好多人睇好。但係我自己响之前一篇文章就提到过，2个朗尼一齐未必有好结果。两个人同係同一类型，需要一段距离给佢地带波突击的突击型前锋，加上C朗、nani、giggs都係要用波的球员，前场分配难度加大。控球人员越大，打法会越华丽，但係同时攻击的流畅度and速度将会下降，上赛季曼联很多比赛都係用速度去摧垮对手。但係今赛季用波的人增多，配合反而不如上赛季流畅了，你只要给多防守球员1-2秒的布阵时间，好多空位、机会就会消失了。呢个问题将会响tevez+ 朗尼同时存在最表露无为。不过我地可能睇唔到呢个情况，毕竟费sir都係大师，应该会发现呢个问题。
    上赛季曼联锋线基本组合係saha+朗尼，后面就係giggs、C朗、史高斯、卡力克组成的中场。呢个组合同今年第一场对雷丁相比只係差咗saha一个，giggs+朗尼的前锋组合，后面就係艾华、卡力克、史高斯、C朗。但係差一个人效果相差好远。首先上年我地係有中锋saha，朗尼係后插上自由人，saha响前面吸引，朗尼响后面伺机杀入。今年费sir安排咗朗尼做saha D野，然后giggs做上年朗尼做的野，结果显然係不如上年，首先，朗尼唔适合打中锋，要佢用站桩打法，根本就没位置咁，只要朗尼一回后拿波，前面就变到没中锋，根本给唔到对方后防压力，就无从谈得上第二步giggs的后插上。同时中场艾华显然唔适合打边锋，我响果场比赛的赛后分析讲过了，呢度我就唔讲了。如果果场係nani唔係艾华呢？我林结果将会係一样，nani宜家好有当年C朗刚刚嚟曼联的影子，球仲係较粘脚，佢仲未稳到突破and传球的最佳结合。至于C朗，由于前面缺一个中锋，好多时佢被迫要个人突破射门。由此可见，曼联虽然加咗人，但係由于用波的人增加and缺少中锋，攻击的流畅度and速度反而不及上赛季了。
    今日费sir学摩连奴咁用433，但係费sir呢个只係貌合神离。摩连奴的433强调两个翼锋的突破、内插，要求中场球员要压上冲击，再加上一个力量与技术结合的杜姆巴，威力非常强大。无论车仔係逆境还是顺境，只要杜姆巴响度，其他人点换都好，车仔的攻击力依然强劲。林伯特and terry可能係车仔的大佬，但係车仔的进攻核心绝对係杜姆巴。今日的曼联好似车仔，夏格维斯=埃辛，史高斯=林伯特，卡力克=mikel，马卢达=giggs，胡礼菲列斯=nani，tevez=杜姆巴。睇上去好似係一个对应一个，但係实际上，双方进攻的主心骨差距非常大。杜姆巴的冲击力、身位、身体优势、头球都係tevez呢个突破型前锋所不具备的。最关键位置的差距直接导致咗两队波踢上去效果的差距。宜家要曼联稳一个杜姆巴级数的球员返嚟唔係好现实，而且tevez and 朗尼边个打后备都係一种浪费。但係费sir应该到咗下决心的时候。如果saha可以保持健康，smith依然响度，或者曼联唔洗考虑中锋，但係响呢个情况，曼联绝对需要一个中锋。
     P.S.：经过今场后，我相信费sir係没玩过FM的。如果玩过，佢唔会唔知到高中锋的恐怖。

rivaldoliu

原帖由 janleung 於 2007-8-21 05:31 PM 發表。
如果曼聯系以後嘅比賽可以不敗(平局不多)的情況下,和車仔爭還是有希望的,關鍵是和雙紅(阿仙奴,利記),仲有車仔嘅主客比賽都要WIN咯

这个难度就太难了如果可以响净返低果29场对住非3大强队的比赛都影塞的话，那么曼联拿冠军的概率还是非常大的
宜家关键就係对弱队唔好再失分了，对强队就尽量令到佢地失分