[討論] 第五轮总结 曼联2连胜

rivaldoliu

saha呢个复出都算完美了

rivaldoliu

上下半场曼联唔同塞
多一个中锋，令到球队的选择增多，而且解放咗tevez。随着活动范围的增大，tevez的价值应该可以慢慢体现。
费sir没买多一个中锋始终都係有D隐忧，今日最后时刻saha在边线拖延时间时，我几惊新德兰D球员会飞脚，好彩坚尼教呢班波都教得几有修养。
今场出咗史高斯而没出卡力克，费sir呢个选择基本上就係确认咗今个赛季的基调。响夏格维斯唔变的情况下，费sir的首选係史高斯而唔係卡力克。其实佢两个差别唔大，甚至我个人会更加倾向卡力克，无疑史高斯的一脚调度要比卡力克成熟，但係史高斯响逼抢下失误的机会要大于卡力克，而且卡力克有一定的个人突破射门能力，而史高斯更多是后插上射门。卡力克其实宜家响曼联都好尴尬，费sir目前更加信任史高斯，而明显未来希望anderson接史高斯班，卡力克无论係可见的现在或者可预见的将来都只能打后备。我个人唔希望咁样的情况出现，毕竟史高斯都係暮年了，而卡力克正是当打，费sir应该给多D机会卡力克，而让史高斯全力拼30-45分钟。史高斯毕竟唔后生了，连拼5场，係时候休息下了。希望费sir可以给卡力克一个机会，卡力克亦要证明自己。
费查目前比卡力克更加郁闷。今场giggs休息，但係首发费sir宁愿选择伊高斯都唔用费查。诚然，从进攻的角度睇，伊高斯比费查更加适合打正选。但係伊高斯明显经验、级数都係未够，今日佢几乎没同布朗打出配合，佢似乎仲未学识利用其他队友为自己制造机会。而费查惯常踢的防守中场位置又比新买返嚟的夏格维斯牢牢占据，而上赛季末曾经客串过的右后卫又被布朗牢牢咁把持住。如果到1月之前费查都得唔到太多机会，我林佢可能会选择租借或者转会，毕竟佢都係新科苏格兰国家队队长，如果连轮换都打唔上，做队长有D太过勉强了。
anderson，曼联更多都係着眼于未来。可惜宜家曼联中场中的球员响传球方面应该可以给到足够的指导佢，但係过人and传球的结合就要靠佢自己了。要培养到好似细哨（小罗）咁，估计都要睇佢个人修为如何了。

今日新德兰里面仲有一张熟悉的面孔，就係约基了。约基可以操返起，打呢个级数的比赛，我真係替佢高兴。佢都沉一段时间，希望坚尼带领住呢班曼联旧人可以响英超打出一片新天地啦！

rivaldoliu

原帖由 reggieng 於 2007-9-2 02:53 AM 發表。
不过我觉得费查应该有更多机会
一黎距有跑不死的体能,二黎距同全队的默契也比EAGLES黎得好

另外卡域克就真系要争气了,睇距对热刺的表现,的确有理由令费SIR贬距坐冷板. 今日比赛见到距无得后备入替果阵既表情也都相 ...

费查真係好尴尬。打右中场，攻击技巧、传中技巧差D，毕竟当初曼联係当佢防守中场咁培养；打防守中场，夏格维斯一样係跑不死，而且技巧要较费查优胜；打右后卫身位、意识都唔及布朗。