兩地居民水溝油皆因港府埋禍根

「赤口」都過咗啦，點解仲咁大火氣？
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。) B+ g9 E0 v5 l Q5 O
嗱，咪誤會吖，功夫茶唔係講年初三被困昂坪纜車嘅遊客。冇錯，「衫碌鈴」事故頻生，成日搞到遊客吊吊揈，乘興而來，敗興而返，絕對係抵鬧o架。不過，功夫茶今日想講嘅係近日搞到沸沸揚揚嘅中港居民衝突。5 K% y0 ]8 M: C# w
講起不得不令人擔心。壬辰龍年，龍的傳人喺新正頭理應一團和氣，點知一次內地人港鐵車廂食點心麵事件，再加上北京大學「狗噏」教授孔慶東一番瘋狗言論，全面激化中港居民對立情緒。香港呢邊，繼有網民成立針對內地孕婦嘅「反蝗專頁」之後，近日又有人發起「新春唱蝗團」，號召網民「唱衰內地人」。www2.tvboxnow.com6 K! {1 d6 P1 R* [* Q5 D+ x+ R
而內地網民嘅反擊行動仲激，揚言要聚集東鐵車廂集體進食，擺出一副「食硬你」嘅姿態。好彩咋，響應車廂集體進食嘅內地網民集體食言，知難而退，如果唔係，東鐵車廂隨時變成中港衝突嘅流動戰場，咁就大件事喇！
唉，中港同胞血濃於水，今日居然變咗水溝油，甚至水火不容，再咁落去，無論對香港、對內地都唔係好事嘅咋。咦咦咦，咪住先，中港矛盾日深，兩地網民炮聲隆隆，連狗噏教授都出來吠幾聲，但係最應該出聲嘅人，點解反而裝聾作啞嘅？功夫茶講緊邊個？咪係兩地政府囉！
正如古人話齋，言有招禍，行有招辱。中港居民近年矛盾不斷，摩擦頻生，兩地政府袖手旁觀，簡直令人嘖嘖稱奇。夕陽政府就話翹埋雙手等收工啫，內地政府一向最怕有人「尋釁滋事」，對不利「和諧社會」嘅網上言論無理由置若罔聞，若無其事o架，吓話？
其實咁又難怪嘅，缺乏危機意識從來係兩地政府嘅通病，尤其係港府，一向唔見棺材唔流眼淚。咁喇，就等功夫茶提醒下佢哋。點解內地孕婦問題搞到今日尾大不掉？點解香港樓價升到高與天齊？點解雙非學童逼爆北區學校？點解連奶粉都搶到幾乎斷市？咪因為港府初時對問題唔嗲唔吊，闊佬懶理，結果搞出一個大頭佛，難以收拾囉。中港居民互相排斥，矛盾惡化，兩地政府袖手旁觀，遲早又係自食惡果嘅咋。2 p; i6 w/ j, `$ j$ @. Z+ F
話時話，中港矛盾升溫，追源禍始，火頭根本由港府種下，出手撲火只係佢哋應分嘅補鑊工作。試諗吓，港府政策失誤，淨係識得要搞醫療產業，但就唔識做好配套，搞到兩地居民爭產房床位、爭買奶粉、爭小學學位，呢啲兩地矛盾嘅星星之火依家演變成燎原之勢，港府仲唔快快撲火，等到火燒後欄，咁就後悔莫及喇！

收藏分享評分

加入【無】寵物家族
開開心心過每一天
有族長奬勵,同族友幫助

回復引用

訂閱 TOP

4557