活生生亂棍打死小貓一案，今日終於提堂，本人亦親身到法庭聽取判決，因同一庭內亦有好多案件要審，所以未到虐殺小貓的兇徒，而今日所判的案件大都是賣色情光碟，同其他鎖碎事，最大單就係虐殺小貓案，在場被判的即時入獄的案件有四件，都係販賣色情光碟，當時法官判色情案件內容大約就係話：【雖然你販賣色情光碟有打格仔，但還可以隱若見到內容中的性器官同不尋常的做愛方式，另人見到會引起不安感覺，但因你初犯，所以判即時入獄6個月。】跟住第2同第4個都係賣色情光碟，內容一樣，但因佢地唔係初犯，所以即時入獄8個月。然後就開始判虐殺小貓案，法官當時講出判決的內容：【虐殺小動物的人簡直係禽獸不如的行為，手法凶殘，一個正常的人都唔會做得出呢種行為，為一時開心而奪去一條小生命，現在我地係生於一個文明社會，所以絕對無法容忍呢種人的罪行，今次案件係非常嚴重同殘忍，實在可耻，無法原諒，而且第一被告你因曾經有暴力傾向，嚴重傷害過他人身體而留有案底，所以本席宣判，立即入獄監禁刑期係(四個月)，而第二被告，因你冇案底，而且初犯，所以亦判你刑期為(三個月)！
大家睇完以上幾單案件的判決同法官所講的內容後，有感受嗎?色情光碟會引起大家不安，所以重判(8個月)刑期，我唔知法官個不安定義係只心理定生理，但用殘忍手法去虐殺小貓奪去寶貴的小生命就…判(4個月)咁就話係重判！我唔知大家有冇不安，總之我聽完判決，內容另我好不安，司法制度另我好不安！生命何價? |
發表於 2008-5-8 05:21 AM
| 
發表於 2008-5-8 04:07 PM
| 