我同我女朋友係澳洲認識, 到而家可以話半年了, 起初我地一齊好開心, 一齊住. 當每到 11 月就係暑假, 梗係會返香港睇家人朋友咁, 而我女朋友就 11 月就先走, 我因為有事要到 1 月先返香港, 起初走左個一個月, 我地日日都傾電話, 就算佢係香港搵到 part time 放得好夜, 加上澳洲快香港 3 個小時, 佢放工都會打俾我 ... 但係到聖誕節前佢屋企鄉下有屋企人走左, 佢心情好唔開心, 同佢又要返一返鄉下, 所以我地有大概三個星期冇傾過電話, 到佢話我知佢返左黎香港之後, 我發覺佢好唔同左, 冇晒日日打俾我, 就算我打俾佢, 佢就話食飯, 返緊工, 話夜 d 先打番俾我, 但係我次次打佢次次都係咁講, 但係最後佢都係冇俾電話我, 到我問番佢, 佢就話好累睡了唔記得左, 我都唔知點解 ... 到我 1 月返到香港, 正常拍緊拖既人都好想快 d 見番佢另一半, 但係我覺得佢唔係好緊咁, 約親佢佢都話好累想返屋企, 到我而家返左黎 2 個星期, 我都係見得佢一次, 有女朋友即係等於冇, 我唔搵佢佢係唔會主動搵我 ... 到我有一次我忍唔住問佢究竟發生咩事, 係咪我做錯咩事攪到佢唔係好見理我, 但佢話冇 ... 又問佢點解自從係大陸返黎就開始對我越來越冷淡, 佢竟然答話"我自己都唔知", 我又唔想問佢仲鍾唔鍾意我, 更加冇可能問係咪有第二個男仔, 呢 d 就死緊既問題 ... 究竟係咪因為佢大陸既事發生而令佢改變呢?
( e! I8 U; F9 j咁多住兄弟姊妹, 大唔知有咩方法可以唔好令到最後係分手收場, 我應該做 d 咩? 我係要日日搵住佢定係俾番多 d 時間佢好呢? 但係我真係好愛佢, 好想見到佢 ... 大家俾俾意見我 ... thx |
發表於 2008-1-26 01:05 PM
| 
