為爭新戲男主角 RubberBand Mr. 鬧不和
由伍健雄監製、以搖滾樂為主題的新戲《起勢搖滾》，下月正式開拍，近日卻傳出是非。有指該戲搵來一班年青歌手擔演，女主角鐵定由最近人氣急升的林欣彤出任，男主角卻有傳本來屬意樂隊RubberBand的主音「六號」（繆浩昌），但後來卻臨門改為樂隊Mr.的主音Alan（布志綸）。有指易角事件令兩隊Band因而鬧不和，早前他們為年底合作的「狂熱搖滾．除夕倒數演唱會2012」拍攝宣傳海報時，也要刻意分開日子拍攝，避開同場以免尷尬面左左。採訪：杜淑霞最近由伍健雄監製的青春電影《喜愛夜蒲》收得 870萬不俗成績，電影公司決定乘勝追擊，再炮製以年輕人最愛的搖滾樂為主題的新戲《起勢搖滾》，故事圍繞一班年輕人追求音樂夢想的過程，還會加插愛情線，希望吸引一班年輕觀眾入場再創佳績。
兩Band否認有心病
據知，構思電影時監製已決定起用歌手為主角，女主角鐵定找新人王林欣彤擔演，男主角則打算在樂隊成員中選擇，最初傳出是樂隊RubberBand的主音「六號」，但近日卻公佈是樂隊Mr.的主音Alan。有傳事件令樂隊RubberBand感到不快，早前他們為年底舉行的「狂熱搖滾．除夕倒數演唱會2012」拍攝宣傳海報時，也要刻意跟Mr.分開日子拍攝，費事見面尷尬。
記者就易角一事聯絡《起勢搖滾》監製伍健雄，他解釋：「起初係諗住搵兩隊band一齊演，但係後尾發覺太多人故事會鬆散咗，同埋個角色亦都比較啱Mr.演，先至淨係搵Mr.，完全唔係易角。」Mr.則回應：「我哋唔知道電影公司搵RubberBand先，亦唔相信佢哋會因為咁要分開影海報，我哋不嬲有聯絡，唔會影響大家友情。」至於RubberBand就回應：「電影公司係有搵我哋傾過，但係我了解過劇本同檔期之後，真係合作唔到。至於影海報係因為我哋要去高雄出席音樂節，加上泥鯭之前已去咗台灣旅行，時間根本夾唔到，絕對冇不和呢回事。」 |
發表於 2011-11-6 07:57 AM
| 