公司改例 冇晒補假可以點?

~嘉~

公司更改規矩好平常，像今期讀者小璇，因為不知道公司改例，而白白失去了補假，究竟公司是否可以隨便改例呢？假期有好多種，究竟法律有冇規定怎樣補假呢？改例等同改僱傭合約
至於改例沒通知員工，街方福利服務處劉小姐表示：「根據現行勞工法，如僱主透過書面列明或該公司約定俗成行政手續，更改公司規例，如改補假制度等，即代表更改僱傭合約。公司有權更改規例，但需要書面或口頭通知僱員，及徵詢佢同意，應在當眼地方張貼告示，甚至由上司同下屬開會商討新例。」法律並冇特別規定公司改例需預早多久通知員工，但公司改新例而不預先通知員工的確不合法。所以小璇在不知情下，因公司改了制度而失去補假，亦可以向勞審處追討。
劉補充：「如果打算向勞審處追討補假話，可以書面向上司表達不滿，以保留證據。一般情況下，打工仔都唔會為補假去告公司咁激，小璇可以試同上司傾傾，問佢可唔可以通容，通常上司都會明白，會補番假畀小璇。」在假期辛苦工作後，卻沒有補假，感到氣憤是人之常情，但據理力爭也要注意方法和態度，萬一向上司爭取失敗，也別太憤怒，今次涉及只是因行政問題而喪失的3天補假，如果有心在公司發展，今次吃虧一下，別為此影響了上司對你的印象！
街坊工友服務處：24241456
政府熱線：1823



政府勞工幹事陳先生認為，小璇要先分清楚她要補的是那種假期，再向公司追討。「其實假期有三種，分別為休息日、法定假期及公眾假期。休息日係僱員每7天可享有不少於1天假期，法例列明僱主可預早一個月內補假，或之後30天補假畀員工。法定假期就是俗稱『勞工假』，如10月1日國慶日，需在法定假期60天前或後補假。而公眾假期即一般月曆上顯示紅色假期，俗稱『銀行假』，如復活節及佛誕等，僱傭條例並冇列明公眾假期補假安排，可由公司自行決定。就算小璇跟公司簽合約內，休息日同法定假期補假手續同僱傭條例唔同，該部分合約內容會被列為冇效，一切需依從僱傭條例，僱員係可以去勞審處追討番呢類補假。」

hssfelix

投訴佢啦 ,唔使怕

cmming

冇辦法，一是做、一是唔做。