新鮮人 : 唔識就要問

好多父母望子成龍，想子女讀多書，等第時可以做個專業人士，人工高又有前途。我父母都唔例外，我入大學報讀物理治療，畢業後，順理成章做物理治療師，成為一個專業人士。家只係做兩個月，發覺做專業人士好大壓力，初初返工因冇經驗驚醫錯人，搞到自信心低落。其實你有幾專業都好，唔識就要問，咁先有進步。
返工第三日，要自己一個人去老人中心幫公公婆婆做物理治療，之前晚已經好擔心，拎番晒學校notes出死溫爛溫，好驚斷錯症，會害死人。當我去到中心度，聽到公公婆婆細細聲問職員，究竟呢個妹度做乜，知道佢嫌我年紀細，更加心慌。其中有一個伯伯話佢個盤骨好痛，檢查完都唔知佢出現咩問題，我惟有跟番notes咁講，試同佢做基本電療。但做完後，伯伯好大聲咁嘈，話做完都冇乜用，仲係好痛，一刻我個心真係沉一沉，點解跟足notes去做都唔得？一刻好質疑自己能力，覺得自己好冇用。

上司教路挽回信心
上司見到我垂頭喪氣咁返到公司，即刻估到咩事。佢即場就開「雞精班」同我分享經驗，話原來老人家盤骨痛好普遍，佢形容情況就好似感冒菌入腸，但唔可以只係掛住止瀉，要集中火力清除腸入面感冒菌。呢次好可能係軟組織問題，用機電療成效唔會大，一定要用手細心感受病人肌肉狀況，用手去推番鬆最緊肌肉同組織。
一個星期後，我懷住誠惶誠恐心再去老人院，照上司方法去幫伯伯做治療。個方法真係好有效，之後伯伯好開心咁同我講，話之前行路跛跛，每一步都好痛，未行完一條走廊已經痛到行唔郁，但佢家可以行去對面公園散步。聽到佢咁講真係好感動，好有成功感，自己真係有能力去幫人，自信心亦返番，我更加知道自己責任重大，一定要做得更好。
我明白墨守成規咁跟住教科書做係唔得，要因應病人情況作調整，搵出致病原因。家有咩唔明，我唔會再自己睇書估估，會即刻請教同事上司。我呢出做新鮮人，冇經驗，唔識就要問，唔好以為自己好叻，想成功就要去學，好好累積經驗先可以成功。我知自己仲有好多改善空間，緊會去聽講座同進修針灸，不斷改進自己技術，可以幫到更多人。

1 評分次數