【睇通睇透】有匹新勝馬最少可多添兩Win

02754566

柏寶曾在谷草日賽創下一日六捷紀錄，而今季三次中三元，其中兩次是谷草賽事，而且都有賀廐馬贏。這對澳系騎練組合，今期合作第二場「帝飛星」及第六場「勝利仔」，上仗都有好走勢，柏寶肯繼續騎，值得信賴。
第六場四班1650米：「勝利仔」是四歲的「匠心獨運」子嗣，步入大熟當打期。近仗跑谷草中距離，連場追得接近，上仗改配柏寶即贏馬開齋，雖然只贏五班賽，但末段越跑越勁，姿態有餘未盡。中長途質新馬開竅，通常可由五班反彈20分以上，現評44分仍未盡，至少仲有兩WIN在手，今場升班只孭117磅，力足連捷。
同場「勁豐裕」近四仗贏三場，五歲愛爾蘭馬增程開竅，上仗升班竟然輕鬆贏個幾馬位，走勢脫胎換骨，表現進步千里。當起的蔡廐馬乘勢盡搏，縮程亦要重視。「魅力好漢」前仗跑同程只輸頸位第二，上場直路片出片入失爭勝機會，今次強配郭能，末段鬥後勁更硬淨。「公証揚聖」今季三勝同程，直路走規變好，七歲馬大器晚成，要繼續兼顧。