本帖最後由 Niko_Kwan 於 2015-12-27 02:43 PM 編輯
我同屋企人住公屋中層，雖然我知佢地間唔中有心咁扔啲垃圾，無意咁跌咗啲有用嘅嘢落馬桶，包括抺手紙﹑蘋果芯﹑雪梨芯﹑手巾仔﹑匙等等，但無事，所以一直無理佢。但早兩個禮拜，我唔覺意倒咗兩舊食完嘅豬骨落馬桶，各大半個拳頭咁大。起初都無咩事，但嗰晚有人爆完石之後，就塞咗，去水好慢，沖唔去。我起勢咁泵佢，攞咗啲xx出嚟(超嘔心！)，係快咗啲，但去水比之前慢。我同屋企人講好，暫時唔扔廁紙落馬桶，過一排睇下會唔會好啲。過咗兩個禮拜，都無塞，有時唔小心扔咗廁紙落去，都去到。問題係，去水始終比之前慢。我唔想以後都唔可以扔廁紙落馬桶，同埋好多時要沖多幾次先去得晒，之前好少會咁。請問︰1.係咪因為嗰兩舊豬骨搞到去水咁慢？
2.如果係，咁會喺邊個位塞咗？
3.有冇方法解決？因為渠係同隔離屋連住，所以我唔想搞到太大工程。我上網睇過好多師傅都唔建議用通渠水/鏹水。我叫過房署嘅人上嚟，佢都係起勢咁泵。 |
發表於 2015-12-27 02:40 PM
| 
