大家幻想一下自己係電影導演，要拍一場極之震撼嘅災難性畫面，你會點樣設計呢？不如咁啦，身為導演嘅你吩咐編劇構思一架貨車，高速一嘢撞入油站，然後起火，然後爆炸，然後一個二個全身燒到出煙嘅火人鬼殺咁嘈走來走去。如果嫌未夠震撼，不妨設計到火燒連環屋，油站爆炸殃及池魚，將隔籬街嘅大廈民居燒到亂七八糟，火人鬼殺咁嘈走來走去未夠恐怖o架，更加有戲劇性嘅係有人因為頂唔住濃煙猛火而跳樓逃生……Cut！拍完，收工！
# R9 K- Z# ^; X5 Q& P公仔箱論壇
: \. s) U* w# {! s4 J L1 P噓，諗起都心肝仔卜卜跳呀，好彩全部情節都係一味靠吹嘅幻想啫，如果係真嘅，都唔知點算。功夫茶之所以講到要拍一套咁嘅災難電影，原因係現實世界幾乎就有咁嘅慘烈一幕。青衣鄰近美景花園有一個油站喎，失驚無神被撞到七零八落。一架貨車忽然之間高速狂飆，撞爛加油機旁嘅防撞裝置，車身挨住加油機柱身衝向油站外嘅石屎牆先至停低，距離摧毀加油機只係相差半呎㗎咋，簡直係一額汗。www2.tvboxnow.com4 g' B5 u( w/ v U" s T
摧毀加油機會有乜嘢後果呢？唔知o架，油站話就話設有截油裝置，遇事之後確保地下油庫唔會繼續泵油，之但係點都會有部分燃油溢出吖嘛。你知啦，撞車隨時產生火花，火花點着燃油可大可小，今次大話夾好彩冇造成嚴重人命傷亡啫，下次未必咁有運仔喎。
" M, z0 D+ }- w" }" L公仔箱論壇唉，一日都係吸毒累街坊。肇事嘅三十一歲貨車司機接受警員調查嘅時候神情有異，而且發現鼻孔沾有白色粉末，懷疑曾經索Ｋ。警員又喺貨車駕駛室搜出一個鐵罐，內藏少量懷疑係毒品嘅白色粉末。既然係咁，貨車司機梗係當場被捕啦，警員將佢送去醫院檢查。公仔箱論壇' r9 l; G+ r9 w; W
喂，大佬呀，迷幻司機一次又一次闖禍，幾時先至可以做到「路上零意外、香港人人愛」呀？難怪立法會議員王國興批評，政府就藥後駕駛問題立法歎慢板，依目前進度今年第二季呈交立法會審議，最快都要下半年先至有望通過法例，期間不排除有更多迷幻司機引致人命傷亡。王議員又話，近來藥駕個案大幅飆升，當局應考慮加強執法，設置路障搜查司機是否藏有毒品，暫時堵塞藥駕條例未通過嘅漏洞。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。6 n" m! z7 g2 H4 [' X1 U
唉，好心政府唔好拖得就拖啦，迷幻司機真係害人不淺o架，而且問題愈來愈嚴重。根據警方數字，二○一○年首十一個月有七十三人因涉嫌吸毒之後駕駛而被捕，遠遠高於○九年嘅十一宗以及○八年嘅四宗，反映毒駕有惡化趨勢。
! c. j: I2 H; |$ N開口都有話，治亂世必須用重典，你唔去加強罰則，點樣遏止毒駕呢？交諮會主席袁國強都話啦，公眾非常支持有關立法打擊毒駕嘅建議，特別係對六種精神科毒品例如Ｋ仔同冰毒等等採取零容忍態度，並且同意政府同時就一般藥駕罪行立法處理，否則相關法律將會存在漏洞。
* H" E5 W5 |" _# v' N! J計功夫茶話齋，負責打擊毒駕嘅官老爺不妨幻想一下，忽然之間有個迷幻司機高速一嘢撞入禮賓府，然後起火，然後爆炸，然後一個二個全身燒到出煙嘅火人鬼殺咁嘈走來走去。
/ H7 H& g3 E& i公仔箱論壇只要考慮到呢一個極之震撼嘅災難性畫面，應該可以加快從嚴立法嘅龜速程序喇啩！ |
發表於 2011-1-5 12:10 PM
| 
