谷日專家財來有方

對上八季共舉行16次谷草日賽，方嘉柏14次有馬贏，其中在2010年6月20日更豪奪六win，情況絕非偶然，應是練者刻意部署之結果，而季內另一次谷草日賽，方廐亦憑「糖黐豆」及「南華勇將」起孖，既然練者對此類賽事情有獨鍾，今期方廐馬當然有優先留意必要。
機會最高當然是列陣三班一哩賽之「索咖啡」，上仗是轉方廐後首次被派往快活谷上陣，結果立即在莫雷拉胯下大勝對手逾五乘而回，已找到最佳出路，今次原庄配搭再跑贏馬路程，莫雷拉同場操過「歡樂小子」都唔揀，可見對「索咖啡」重視有加，應可再下一城。
另外，「力闖」兩次角逐谷草A欄均非冠即亞，其中一次正是在季初11月份之谷草日賽所得，雖然同場面對多匹強勁對手，憑住較佳場地性能仍不能輕視。最後一提，最近一次谷草日賽方廐兩匹王牌馬均上名，今次替「紅運」及「傾心星」打王牌可加入考慮之列。

1 評分次數