星期五全日落雨，之後竟然天朗氣清，若能持續，場地會乾得好快，有可能在正常場地跑馬。
第六場四班草地1400米，只有「瀟瀟王子」、「翡翠紅星」、「甜統」及「翔惑」季內贏過四班同程，預計大熱非「瀟瀟王子」便是初跑此程的「索先生」。「瀟灑王子」上仗確贏得漂亮，然而只壓倒「勢不可擋」等，水準或未算太高，當然三歲馬可能會進步，但一下子要負頂磅排10檔，同場有數匹相近跑法馬，可否像上次跑得咁舒服，大家要諗諗。
莫雷拉可騎「翔惑」，但揀番「索先生」，尊重他對「索先生」的重視程度，上仗輸完復課唔放手，更嘗試找出問題所在，五月頭轉用面箍試大閘贏了，埋門再轉用半掩防沙眼罩操，最後決定用半掩防沙眼罩落場，但真正跑落好唔好？加上初跑1400米，一樣唔會博「索先生」熱Win。
反而「翔惑」前仗贏同程，雖只贏「保羅威威」表面唔叻，但「甜統」與新近在谷草狂勝的「發明小子」都在其身後，再結合沿途守第四位，跟了58秒的超快步速仍能贏，水準遠勝表面，上次輸在增程、淋地，今次跑番1400米，且大有可能在正常場地跑，莫雷拉唔騎，換柏寶一定換到分頭，博「翔惑」好過「索先生」！
同場「甜統」狀態全無走樣，縮回千四米，回配贏馬拍檔布文，買Ｑ預埋。 |
發表於 2016-5-22 02:22 AM
| 
